KAJIAN HADITS BAHASA SUNDA :
Ku : Drs. H. Uu Suhéndar, M.Ag. (Déwan Redaksi Bina Da’wah)
NYALINDUNG TINA FITNAH
عن أبي أُمامةَ ، عن النبيِّ صلى الله عليه وسلّم قالَ: «ستكونُ فِتَنٌ يُصْبِحُ الرجلُ فيها مُؤْمِناً ، وَيُمْسِي كافراً إلاَّ مَنْ أحياهُ اللَّهُ بالعِلْمِ
Bakal kajadian fitnah di mana isuk-isuk jalma kondisina Mu’min sarta soré geus robah jadi Kafir, anging jalma anu dihirupkeun ku Allah lantaran élmu. *** H.R. Ad-Darimi
A.Syarah Mufrodat.
Shahabat Abu Umamah ngisahkeun yén Nabi SAW sasauran: ”Satakûnu fitanun bakal kajiadian pirang-pirang fitnah, yushbihu arrujulu fiha mu’minan di mana dina éta situasi jeung kondisi isuk-isuk jalma jadi Mu’min, wa yumsi kâfiron pasosoré jadi Kafir, illa man ahyahullahu bil’ilmi anging jalma anu dihirupkeun Allah SWT ku élmuna. Lafad fitnatun secara bahasa hartina loba pisan diantarana: kataji, ngagoda, nipu, malsu, ujian, kagégéloan, nyaliwang, méngkolkeun, jeung réa-réa deui, éta mah gumantung kontéks atawa siyaqulo kalamna.
B.Syarah Matan.
Dina eusi hadits di luhur ngajelaskeun fitnah (ujian hirup) anu matak ngarobah lampah jalma tina Mu’min jadi Kafir. Isuk-isuk jalma téh jadi Mu’min pasosoré jalma jadi Kafir anging jalma anu dihirupkeun dirina ku Allah SWT ngaliwatan élmuna. Teu sakabéh élmu anu dipimilik jadi rejeki tapi bisa jadi éta élmu ngalaknat pikeun dirina, teu sakabéh anu dicaangan ku élmu Allah SWT bakal narima kalayan iklas hiji wanci mah ceuceub ka anu nganaséhatan. Jalma rampang-reumpeung leumpang dina galengan sawah terus dibatréan ku urang, éta jalma nganuhunkeun luar biasa, lamun teu dicaangan bisa tigurawil kana gawir.
Tapi hiji wanci mah éta batré digunakeun pikeun ngabatréan jalma mopoék bari nyokél jandéla atawa panto rék ngabangsat, éta mah maledog padahal batréna sarua. Loba jalma diélingan jiga bangsat. Méméh ngajabat mah ngabéla ka rahayat, geus jadi pamingpin mah nincak rahayat.
Baca oge : Kajian Hadits Bahasa Sunda : TILU AMAL NU MAWA BAGJA
Méméh jeneng mah mindeng ka masjid, geus jeneng mah tara elol-elol ka masigit. Loba jalma apal kana hukum, tapi malah dihukum. Élmuna teu bisa nyaangan diri jeung kahirupan, tapi malah ngarobah dirina jadi jahat.
Ta’at pisan ka anu méré duit jeung piduiteun, kawas anjing tara ngégél ka anu méré tulang mah, tapi ngagogogan ka anu teu maparin duit jeung piduiteun, malah ngégél. Dina Q.S. Al-Mujadilah: 11 mah dijéntrékeun, élmu anu dibarengan iman anu bakal ngaronjatkeun ajén diri jalma.
Baca oge : SHAUM BENER TUR BEUNEUR
Euweuh jalma anu suksés ku cara basilat, korupsi, ku cara jahat saperti Q.S. Humazah, anu bakal cilaka téh: Humazah (jalma anu maling terang-terangan saperti ngarampog, bangsat, nodong) jeung Lumazah (maling susulumputan saperti ngurangan timbangan, takeran, ngagelembungkan harga, kolusi, korupsi jrrd). Robbi zidni ilman warzuqnie fahman. Muga-muga élmu jadi rejeki anu bakal ngahirupkeun diri saperti eusi hadits di luhur. Cag! ***
BERLINDUNG DARI FITNAH
عن أبي أُمامةَ ، عن النبيِّ صلى الله عليه وسلّم قالَ: «ستكونُ فِتَنٌ يُصْبِحُ الرجلُ فيها مُؤْمِناً ، وَيُمْسِي كافراً إلاَّ مَنْ أحياهُ اللَّهُ بالعِلْمِ
Akan ada kejadian fitnah seseorng pada waktu pagi dia mukmin tetapi pada sore harinya dia berubah menjadi kafir, kecuali orang yang diberi kehidupan oleh Allah dengan Ilmu *** H.R. Ad-Darimi